Eit hekleprosjekt er i gang,...igjen!

Juliann er i sving igjen, og legg stadig nye planer. Og set i gang nye UFO-prosjekt truleg! Er iallefall ekspert på å ha altfor mange ballar i lufta på ein gong.

Vart så inspirert av eit hekla/strikka teppe eg såg i bloggen til Livs Lyst, at dette måtte eg prøve.

Dette bildet er frå bloggen til Livs Lyst
Mange smårestar her!Ein gammal arm skal no bli til ei rute i teppet. Skikkelig gjenbruk!

Teppet er hekla av oldemorsruter og med innslag av lappar som er strikka i rettstrikk. Og alt går i gråtonar og jordfargar. Grunnen til at eg falt for dette, var nok mest fargane, men også muligheten til å få brukt opp ein del "umulige" fargar. Opp gjennom åra med strikking av litt av kvart, så har det samla seg opp smånøster med slike fargar, og spesielt dei kvite som ikkje er kvite lenger og som ikkje passar i lag med nyinnkjøpte kvite! Her kan eg bruke alt frå "ubleika" til sauekvitt, og dei ulike nyansane gjer det berre fint trur eg.

No har eg iallefall endå eit "veskehekletøy" som eg kan ha på lur om Juliann får litt tid til overs,.... td 10 min på ei ferje eller på eit venterom, eller på biltur når eg har sjåfør,..... mulighetane dukkar plutselig opp og då er det kjekt å ha noko på lur.

Mormors 6-kantteppe

For dei som kjenner meg, så er eg ivrig med alt slags handarbeid. Det er også mor mi, vel, kanskje i litt mindre grad då. Men ho likar å ha noko å gjere på no når ho er blitt pensjonist. Behovet for å lage noko til seg sjølv er nok heller lite, difor spør ho meg ofte om eg har noko arbeid til henne. Det siste året har ho holdt på å hekle Oldemorsruter a la Mias Landliv sitt teppe, er ikkje heilt ferdig enno. Det går litt sakte fordi vi har problem med å finne den heilt kvite fargen av Østlandsgarnet, har kjøpt på Spar Kjøp og Nille, men siste halvåret har fargen vore gulaktig. Og det viser!! Så vi ligg på vent og slår til når den skikkelig kvite dukkar opp att. Trur dei brukar for lite Klorin i produksjonen sin!!!

Men no fann eg ut at eg skulle lage henne eit nytt prosjekt, eit teppe i 6-kantar. Eg vart så inspirert av eit bilde på bloggen til Den gode feen, ho hadde hekla eit liknande teppe, men det eg falt mest for, var nok fargane. Akkurat mine fargar i blått, kvitt, lysegrønt. Noko oppskrift hadde eg ikkje, så eg har laga min egen variant, og den fungerer fint. Eg deler den difor med dykk, så den som blir frista av mine lappar begynner kanskje å hekle et slikt også. Håper å høyre og sjå frå alle som prøver seg på dette.

Oppskrift:

Ullgarn, ulike tjukkelsar kan brukast i lag. Eg har brukt Silja, Østlandsgarn, PT sport, Bambino, 3-tr Raumagarn, Juvel, Opal, mm.

Heklekrok nr 4

1. omg:

Legg opp 6 luftmasker,sett sammen til ring med 1 kjedemaske. Hekle 4 luftm, 1 stav i ringen, 1 luftm, gjenta til du har 12 staver i ringen(medrekna dei 4 lm), avslutt med kjedem. i den 3. av dei 4 lm du starta med. Klipp tråden.

2. omg:

Start med å hekle 1 kjedem i det første mellomrommet mellom stavane. 4 lm, 1 dobbelstav i mellomrommet, 1 lm, fortsett med 2 dobbelst. i kvart mellomrom og 1 lm mellom kvar. Sett sammen med 1 kjedem til slutt. Klipp tråden.

3.omg:

Start med å hekle kjedem til du kjem fram til mellomrommet. 4 lm, 2 dbl.st, 2 lm, fortsett med 3 dobbelstavar i kvart mellomrom, deretter 2 lm. Sett sammen med 1 kjedem til slutt. Klipp tråden.

4. omg:

Hekle kjedem. til du kjem til mellomrommet. Hekle 2 fastmasker rundt mellomrommet, 4 lm, fortsett med 2 fm. og 4 lm til du er komt rundt. fest med kjedem. No skal du IKKJE klippe tråden, neste omg har samme farge!

5. omg:

Hekle kjedem. til du kjem til mellomrommet. 4 lm, 3 dblst. i mellomrommet, 1 lm,4 dblst i neste mellomrom,1 lm og 4 dblst i samme mellomrom. Dette blir hjørnet på 6-kanten. 1 lm, hekle 4 dblst i neste mellomrom, i neste mellomrom heklar du hjørne. Fortsett rundt slik. Dersom du vil hekle sammen 6-kantane med det samme, så bruker du kjedemaske mellom mellomromma på dei du vil hekle sammen, dvs 2 g på kvar side og 1 g på hjørna.

Då håper eg at oppskrifta mi er forståelig, ...kan ikkje garantere for feil, med de får studere bilda.

God søndag til alle frå

Snurreskjerf!

Etter ei ny bloggetørke så kjem her endelig noko nytt her. Har ikkje akkurat mangla bilder og idear til innlegg, men Julianns Tid skal brukast til så mykje!



Men eg har ikkje vore passiv heller, no i veka så hekla eg dette artige snurreskjerfet. Har sett slike skjerf i bruk, men ikkje tenkt meir på å lage eit slikt. Heilt til eg dumpa bort i eit mønster i Familien no nyleg, (eg huskar ikkje kva nr det var, men iallefall eitt av nr no etter nyttår)


Tråden eg har brukt er Vivaldi frå Drops, ein flamma angoratrå. Det held akkurat med eitt nøste. Heklekrok nr 4 . Det skal heklast berre 2 omg. med stavar.

Her er det enkle mønsteret:

Legg opp 150 cm med lause luftmasker. Hekle stavar slik: hekle 3 luftmasker, hekle så 2 stavar i denne (tilsv. 3 stavar), fortsett med 3 stavar i kvar luftmaske. Snu, hekle 3 luftmasker og 2 stavar like ved, fortset no med 2 stavar i kvar stav ut omg. Då er du ferdig!!! :)

Ønsker lykke til med heklinga til den som vil prøve, og håper de vil legge inn kommentar til meg om de lagar slike. Om det vert fleire, så kan eg linke til bloggane dykkar her i innlegget.

Gladteppet

Denne helga har det virkeleg vore hekleveir ute, men,.... då er det òg så mykje anna som eg ser må gjerast, så det har vore minimalt med hekling. Men har iallefall hekla "minst 1 stav" i dag då!!

Fann denne boka tilfeldigvis på nettet, den var omtalt i ein blogg, og ved søk på Amazon fann eg den, kostar rundt 15 dollar. På Amazon kunne eg sjå litt av innholdet i boka, her er det litt av kvart av hekling og kanskje strikking òg trur eg, eg såg mest på alle dei fine fargekombinasjonane.

Gladteppet

No trur eg Gladteppet mitt skal bli endå gladare, for no har det fått seg ny krok! Heklekrok frå Danmark! Den heiter Clover soft touch crochet hook.


Litt skummelt med alle tips og tilbud ein kan komme over når eg sit og hoppar frå blogg til blogg, men der er no òg svært nyttige ting! Har sett at Ella og Liselotte i Danmark hadde ein spesiell sort heklekrok som eg ikkje har sett før, og den såg ut til å være god å holde. Det er den òg! Så Elisabeth Augusta,- denne anbefaler eg! Såg at du lurte på kvar ein får tak i slik krok.



Eg bestilte 2 stk à 42,- på nettet hos det danske firmaet Bendix garn, betalte med Mastercard, så dei sende heklekrokane i konvolutt med porto 10,50!! (danske kroner).

I helga har eg vore på årets første tur med campingvogna, og eg har tenkt å bli klimaflyktning når det regnar som verst her på Vestlandet! No står den fint plassert aust for "Vannskillet", så no håpar eg på flott heklever kvar gong eg kjem dit. Flott å sitje ute å hekle med sol frå klar himmel i kontrast med snøkledde fjell i himmelsjå!

Gladteppet!!

No merkar eg presset "från rymden"!! Det er så mange som veit at eg er begynt å hekle på eit stort prosjekt, kalla det bølgeteppet i eit tidlegare innlegg. Så langt har eg hekla rundt 40 cm, og det er no blitt så stort at eg kjenner kor det varmar medan eg heklar! Det har blitt nokre stavar etter kvart, kvar omg. er på over 300 stavar!!

Viss det er nokon som vil ha mønster, så sjå på eit tidlegare innlegg (26.3) der eg fortel om inspirasjonen eg fekk frå danske Liselotte.

Eg har no komt til at heretter skal det heite Gladteppet, fordi:

• Eg har funne så mange fine idear til teppet i mange bloggar, visst blir ein glad av slikt!


• Har leita opp mykje bomullsgarn som eg trudde eg ikkje fekk brukt!! :-)


• Kjekt å kjøpe litt nye fine fargar!


• Det er kjekt å hekle med så mange flotte fargar, blir ikkje lei fordi eg skiftar farge etter max 2 omgangar!


• Og sist men ikkje minst, - så kjekt at nokon der UTE sit og ventar på å sjå korleis det går med teppet!

Helser spesielt til Ronille og Strikkemor(o)! Ventar no at de òg byrjar på eit slikt teppe!!

Bølgeteppe

Som de sikkert har sett før, så er eg begynt å hekle Bølgeteppe i bomullsgarn, og etter ein del bloggbesøk, så har eg sett at eg er ikkje åleine om dette. I kveld fann eg eit par bloggar med mange idear, så det er berre å ta eit lite besøk her. Kanskje blir det fleire heklarar i lag med meg? Vil gjerne høyre og sjå om det er nokon som begynner!
http://neisripplealong.blogspot.com/

http://rosylittlethings.typepad.com/posie_gets_cozy/2007/01/ripple_effects.html

Pssst!

Det har vore nydeleg i dag òg, kopi av dagen i går. Bilder?? Same as yesterday!! Men har hekla litt meir, det blir bilder ein annan dag.

Kos i solveggen!

Ein nydeleg dag i Nordfjord! Utsikt frå verandaen min.

I går sat eg og drøymde om ein strålande mandag ettermiddag, og jammen slo veret til. Eg var ikkje sein om å plukke med meg diverse ut på verandaen då eg kom heim etter jobb, og det kan nesten ikkje beskrivast kor godt det var og sitje der heilt i ro, sola varma godt og fuglane song. Og det varma og varma, til slutt sat eg i t-skjorta og kosa meg i solkroken.

Fekk kosa meg med mitt nye hekleprosjekt (kjem sikkert til å vare i 10 år!!). I går var eg inne på bloggen til danske Liselotte, der fann eg både bilder og oppskrift på eit herleg bølgete heklateppe. Det er hekla av bomullsgarn og har mange glade fargar, eit skikkeleg resteteppe. I fyr og flamme leita eg fram alle mine restar av bomullsgarn, fann mange fargar som berre har vore lagra fordi der ikkje har vore nok trå til noko skikkeleg før.

Men no kom løysinga, og eg trur det skal bli fint. Liselotte sitt er 1,40 m bredt, så mitt blir omtrent det same. Men kvar omgang er lang som en evighet skreiv ho, og det stemmer akkurat, men foreløpig er det berre kjekt.