Min morgen.....

Morgonstemning,...... soloppgang kl 08.40 på Sethaugen.

Ein frisk morgentur i minus 5 gr og klar himmel i aust. Eg driv framleis med mine raske morgonturar, full speed oppover, korte pausar for å få att pusten og så i farta att. Herlig å "ta seg ut" og kjenne at formen er der. Har som oftast radio på øyret og får med meg mykje fin musikk.

Og premien min er utsikten når eg når utsiktspunktet mitt. I dag gjekk eg tidleg og fekk med meg mykje fin musikk frå eit morgonkåseri. Og akkurat då eg kom fram på utsikten i dag og sola titta akkurat opp bak fjellet i aust, starta radioen min å spele "Jag ger deg min morgon" med Fred Åkerstrøm. Berre nydelig!

Så her er musikken til dei som vil høyre. (ps musikken er finare enn mannen,....he he)


http://www.youtube.com/watch?v=Ew7D7r_9udM

Sesongskifte

Denne helga har eg vandra mellom årstidene på mange måtar. Heime har eg vore med på eit Julemysterie i Ninas blogg, der eg har sydd på "julete" stoff og motiv, sjå tidlegare innlegg. Men eg er ikkje typen som sit så lenge i ro med noko (unntatt pcen då!!), så det har blitt nokre flotte turar i naturen på heimstaden min.Flotte fargespel på slike haustdagar (når det endelig sluttar å regne), og med dei kvite toppane som kulisser, så kjem fargane endå betre fram. Dette er utsikt frå punktet der eg har min daglege tur til, uansett ver!Når ein går tidleg om morgonen, så ligg rimfrosten i buskene, ...og gjer dei berre endå vakrare! Denne helga har eg vore høgare til fjells, opp i vinterlandet bar det, litt djupe skavlar her og der, men elles gjekk eg i ca 20 cm snø.....og der var lite folk å sjå, berre eg og harepus var visst på desse traktene. Synd! For her var aldeles vakkert, nesten så ein kunne ønske at dette var påskesnøen og at sommaren var i vente......

Ein topp i vinterskrud, kald, øde,.......men jammen varma sola. Herlig å stå her oppe og sjå ned på all denne vakre naturen vi har i Nordfjord!

Bærlandet.......

Det er travle tider for både fuglane og meg, for den eine bærsorten avløyser den andre her hos meg!
Jordbærsesongen er på hell, og det minkar fælt på morellane mine også. Eg går ein del i fjellet, og no er blåbæra modna i dei lavast liggande områda. Mmmmm, snakk om å gå på tur med slikt snop langs råsa! Blir mange stopp og litt blå fingrar! Måtte plukke med meg ein bukett heimatt for å ha dei til kakepynt.

I lag med bringebær som no modnar for fullt,.....i massevis!

Ei deilig bringebærterte vart helgas snadder. Ein enkel kakebotn, 1 pk vaniljekrem oppå og bær øverst. Enkelt men veldig godt!

OPPSKRIFT

2 egg
2,5 dl sukker
2,5 dl mjøl
50 gr smelta smør
0,5 ts bakepulver
ca 0,5 dl melk
Denne kaka er veldig enkel å lage, for du har alt opp i ein bolle og rører sammen med ein strengvisp, gjort på 1 min!!
Steik v/200 gr i 15-20 min.

I hagen min modnar også solbær og rips no, så det er nok å plukke på! Litt sylte og litt ripsgele blir det nok med det første.

Må nok ha plukkepausar innimellom, då er det godt med ein fjelltur! ........men den som trur at det betyr heilt "plukkefri" må tru om att, for plutselig dumpar ein bort i fjellets gull,...MOLTER, og då må ein sjølvsagt plukke det også.

.........det er like før eg drøymer om raude, blå og gule bær snart, men eg er vel ikkje åleine om det vel??????

Mi tid blir brukt til......

.........FJELLTURAR! Mange av bilda mine tidlegare har vist at eg er mykje på tur i naturen her i Nordfjord, og det er eg framleis. Veldig mykje på tur,.......så mykje at blogginga etter påske har komt laaangt bak i rekkja over viktige ting å gjere. Mine turar er trening, men treningsturane går til fjellpostar som idrettslaget har lagt ut. Å ha eit mål om å registrere seg i postane gjer at ein liksom ikkje stoppar før målet er nådd, og signaturen i boka er som ei godkjenning av dagens treningsøkt.I går laurdag, var eg på denne flotte turen i bygda mi. Dette er utsikt over staden der eg bur, med fjordbyen Nordfjordeid lengst inne i botnen.

Vatnet ved Røedsetra.

Eg trenar dagleg ein stad mellom 2 og 4 timar, så i tillegg til full jobb blir det ikkje så mykje tid til å gjere andre ting,...... kun på dagar med dårleg ver, då blir det berre kortaste treningsøktene! For då lek fjellskoa mine!! Sjølv om eg har 3 par å bytte mellom, kan det mangle tørre sko når veret er dårleg!

Lundavarden, ca 780 moh, ein fjellpost med fantastisk flott utsikt over store delar av Nordfjorden. Trur faktisk at ein ser 2/3 av fylket mitt aust/vest herifrå. Lengst aust her ser ein fjell i Stryn og Gloppen kommune, denne varden er i Eid kommune og på bildet under ser vi mot havet med Vågsøy og Bremanger kommune. Lengst i vest såg eg sendaren på Bremangerlandet, den står på ein fjelltopp heilt ute ved havet.

Ikkje så godt å sjå alt på bildet over her, men slik blir det når sola står rett imot ein! Berre kontrastar. men havets sølv vart iallefall med.Her ser ein mot sør og Ålfotbreen og med fjellet Gjegnen som er ca 1500 m høgt. Den vesle prikken nede på fjorden er ferja!!

"Sjenstemyrane" trur eg denne plassen heiter, her er flotte murar av gamle gardfjøsar som no er berre eit kulturminne fra travle tider før!

Vinterlig sommartid!

Ein fantastisk flott morgen, gnistrande blå himmel og kald lett nysnø på trea. Dette var den nydelige søndagen som vi hadde her i Nordfjord i går. Men det varte ikkje lenge då sola tok til å varme. Sommartida var begynt denne morgonen, og då vil nok sola kvitte seg med mest mulig vinter........., så det dala ned store snøklumpar på oss der vi gjekk oppover på skogsvegen. Men sommartid til tross, slike vakre vinterbilder over naturen i Nordfjord er berre til å gle seg over!I bygda nedanfor her bur eg, fint plassert på solsida i Nordfjord! Dette er utsikt frå Sethaugen, det mest populære turmålet i bygda!Men denne dagen gjekk turen vidare oppover, eit lag med nysnø låg oppå skaren, men fint å gå likevel.På veg oppover, målet er den bakerste toppen, Storevarden.

Målet er nådd!
I denne varden ligg det turbok, der skriv alle besøkande seg inn! Utsikt mot øst med tettstaden Nordfjordeid i fjordbotnen.

Utsikt frå Storevarden mot sør. Fjella i bakgrunnen er ca 1500 moh.

Perfekt forfrisking i det flotte veret!

Det er godt å ha skikkelig "fottøy" når ein er høgt til fjells!

After sying!

Premie til meg etter å ha nådd dagens mål!After sying ein del i helga, så måtte eg nytte høvet i dag til ein tidleg fjelltur. Veret låg og "vippa" mellom fint og tilskying, så eg var usikker då eg la i veg i halvni-tida i dag tidleg. Pakka trugene mine i sekken og fann ut at dette måtte eg bestemme når eg kom lenger opp. Litt usikker gjekk eg oppover i snøen, skodde hang i åsane rundt, men etter ei stund fekk eg sikt til dagens mål, Storevarden på ca 680 moh. Toppen låg kvit og flott og bada i sol! Klart eg gjekk vidare då!

Kvite vidder og ein blå himmel der nokre skoddeslør fer forbi av og til,...... herlig! Alle motbakkar er som ein leik med slik utsikt!

Eit uunnværlig ekstrautstyr på slike turar. Trugene som eg fekk til jul har vore flittig brukt i det siste, og no sit gåteknikken fint! Berre å anbefale til påske. Desse er kjøpt på XXL.

Snømonsterspor i snøen!

Dette siste bildet er teke for vel ei veke sidan, då var veret og utsikten aldeles strålande. I dag låg det ein del tåke i fjorden.

Vårtegn!

Dagen som starta tåkete har no enda opp i glitrande sol, blå himmel og skikkelig med vårstemning. Og med temperatur godt over 10 grader så merkar ein at no er vinteren snart på hell. Sola varmar skikkelig godt!

Og attpåtil så har eg i dag sett 3 skikkelige vårtegn!

1. Ein tjeld stod i sjøkanten og kosa seg!


2. Nokre viper var komne til den faste plassen sin, på ei stor opa mark gjekk dei rundt og såg sikkert etter noko å ete!
3. På ein liten fjelltur no i ettermiddag møtte eg ein mann i lys kakishorts!! Med lysande kvite bein!!!

Dagen må no nytast det som er att, har hengt ut kle til tørk og vindauga står opne og slepper inn den friske vårlufta.

No er det jammen godt å bu på Vestlandet!!

Då sola skein på byen....

.......ja då sola skein på Bergen by, var der skikkelig Vintervakkert. Slike bilder er gode å minnast no når det har vore grått og vått ei stund. Bilda er frå forige fredag 13.2 då eg var ein rask tur dit igjen. Vel ombord i hurtigbåten, klar til å reise heimatt om ettermiddagen, såg eg desse fine motiva. Og igjen vart det tur opp på akterdekket for å få gode bilder! (hmmmm , vindua på båten treng seg ein vask, mykje salt på dei lagar dårlig sikt for fotografaugene!! Såpass såg eg til tross for eit lite operativt inngrep på eine auget denne dagen!!) Øverst på toppen kikkar "Fløyen" ned!
Statsråd Lehmkul ligg i dvale.... ventar berre på varmen, denne kalde vintersola er ikkje nok!

Blått og kaldt!!

Ein liten fotoseanse i vinterkulda gav desse iskalde bilda. Eg har vore ein tur til Bergen, og på hurtigbåten heimatt i går ettermiddag måtte kameraet fram. Eg og ei venninne hadde kamera med oss, så begge kledde godt på seg og gjekk opp på det opne akterdekket. Sjøen var blikkstille, himmelen knallblå i denne blå timen like før solnedgang. Ei oppleving å stå der og sjå på den vakre naturen!

Nordhordlandsbrua