Idyll

Idyll er rette ordet for denne byen, iallefall for dei som likar STOKKROSER! Her kryr det av dei. dei veks langs husveggane og har kun brustein rundt seg ved rota. Utruleg!

Byen er Ystad heilt sør i Sverige, nokre kjenner den som byen der Wallander jobbar som krimetterforskar, men for meg er dette byen med dei maleriske husa og alle stokkrosene.

Hardangersaumgardiner her sør.........., skal tru om her bur ein vestlending??

Livet i Olofsbo ved Falkenberg er elles heilt fortreffelig med vakre solnedgangar og eit døsig seinsommarliv.Turisttrafikken er ikkje så travel no som den brukar å vere i fellesferien, så dette er berre å anbefale.

Og strendene og havsutsikten er det ingenting å klage på, dette er medisin for kropp og sjel!

På tide å vende heimover snart, neste veke er det jobb igjen, men med mange gode minner från soliga dagar i søder!

Semester!

Ja no er det semestertid hos meg, etter eit par veker heime med full jobbing med bærplukking, var det nok lurt å stikke av austover og sørover. Ca 100 mil vart det før vi slo oss til ro, og her skal vi være ei veke. Stedet er Falkenberg ved Hallands kyst, fint klima og frisk vind frå havet.

I dag har veret vore skiftande, med lettskya, mykje sol og temp opp til 28 gr, men ikkje for varmt likevel pga havbrisen. No har det skya over, men her er likevel 23 gr.

Litt avslapping med kjekt handarbeid, kaffi no og då, shopping av litt blomster, litt Ikea og div andre store senter, litt vin og lys om kvelden,.....ja då er det ferie!

Helser til alle bloggvenner heime i "gamlelandet" og til Odd HH minst 250 mil herifrå (god sommer videre der oppe i nord)!!

Sesongstart!

I går var det sesongstart for årets campingliv! Vi har campingvogn i Skjåk, der har den fast plass, og eg brukar å seie at dit reiser eg når eg vil være KLIMAFLYKTNING! For ofte regnar og regnar det her på Vestlandet, og vi vert skikkelig underernærte på sol og varme. Då er det godt å ha sitt eige krypinn å flykte til!

I Nordfjord var det regn og vind i går, men austanfor fjella???? Delvis skya, mykje sol, 11 gr men litt kald vind av og til. Likevel var det ikkje verre enn at eg kunne dra ut sommarstolane og setje meg og nyte sola, roen og eit strikketøy! Herlig!

...og over campingvogna skein sola ned gjennom takluka!

Nytrakta kaffi høyrer med, men før vi kom så langt var det testing av batteri og alt elektrisk utstyr. Og alt var i skjønnaste orden,....det var godt, for ein veit aldri etter ein lang og kald vinter.

Og om det vart for kald vind, så var det koselig å sitje inne og sjå ut!

....og frå 1200 til 0 meter igjen!

Denne siste veka har vore den mest fantastiske og opplevelsesrike veka som eg har hatt på lenge.

I forige innlegg skreiv eg om badeliv og tur over Strynefjellet, her kjem fortsettelsen, kanskje endå meir full av inntrykk. For frå å reise frå sjø og strand, opp på Norges mange høgfjell, så bar det tilbake til kysten og ned på null-nivået igjen. Turen gjekk vidare austover og etter kvart endå høgare, opp til om lag 1200 meter til Rondane og inn til Rondvassbu. Ein utruleg kjekk tur som eg og min mann tok i samband med ei minimal feiring av bursdagen min. Menyen på dagen min var pølse med brød på Rondvassbu. Overnatta i telt og der var menyen enkel: brød, tubeost, fårepølse og vatn!

På bildet over ser de meg som sit på ei høgde ved Rondevatnet. (..endelig eit bilde av meg på bloggen)
Turen i desse fjella var flott, så det kjem kanskje eit eige innlegg seinare.

Vi kom heimatt seint onsdagskveld, men fredagen bar det i veg mot kysten og det maritime miljøet igjen.

Måløy er denne helga vert for det fantastiske Tall Ships Race, med besøk av nær 100 skip i ulike størrelsar. Det var heilt ubeskrivelig å gå på hamnene og sjå på båtane, gå ombord i nokre av dei, prate med ein del av mannskapet, fotografere, kjenne på sommarvarmen og sjølufta, og å være i det sydande folkelivet som var i lille Måløy-byen denne dagen.

Juliann er ein umettelig fotograf, og tok bilder til batteriet var omtrent utlada. Då eg la inn bilda på pcen i dag, så var det 238 bilder frå desse timane i seilskipsmiljøet!!

Ikkje rart at eg har problem med å velge ut bilder til bloggen, så det kjem heilt sikkert eit eige innlegg om dette også ein dag. (kjem an på kor mykje regn vi får framover, for då er det bloggever!)

Frå 0 til 1000 meter!

SOL, VARME, BLÅ HIMMEL, BLÅTT HAV, ....det er SOMMAR!

Frå 0 til 1000 meter på to dagar, det er dei 2 siste dagane mine kort oppsummert.


Og dette er Vestlandet i eit nøtteskall, når ein bur midt i ei naturperle så er det gode muligheter til å oppsøke det finaste av strandlivet og det finaste av høgfjellet på kort tid.
Men å bruke kort tid på dette sommareventyret vi har no, er ikkje å anbefale, dette må nytast i lange drag! Det flotte sommarveret vi har hatt dei siste dagane har vore heilt fantastisk, og då er det også heilt fantastisk å kunne nyte ein søndag heilt nede ved havnivået.

Denne dagen tilbringa vi på Refviksanden i Vågsøy kommune, og det er ikkje rart at denne stranda vart kåra for Norges finaste badestrand for nokre år sidan!

Nyt bilda, det azurblå havet, den blå himmelen, ein sval havbris og tenk at du høyrer lyden av dei lette bølgeskvulpa og ungane som frydar seg i vatnet, herlig!!!

Stranda er kjempestor og veldig langgrunn.
Her er det rett vest i Nordsjøen!

Då vi reiste heim i 18-tida tok eg dette bildet, framleis mykje folk på stranda. Reknar med at der var over 1000 personar på stranda denne søndagen, for då vi kom i 14-tida var der allereie over 300 bilar parkert! Og fleire kom etter oss!

God picnick-mat høyrer med, men det må også være enkelt i all sanden! Baguettar og smørjeost var enkelt og godt. Og innpakninga,...... det er kjøkkenhandkledet frå Bruka Design som eg fekk frå Emmeline som premie!





Som sagt er kontrastane store på Vestlandet, ca 1,5 t frå der eg bur, finn vi denne vegen, Gamle Strynefjellsvegen. Etter søndagens opphold på 0-meters nivå ved havet, så er dette den rake motsetninga, for denne vegen går opp i 1000 meters høgde over havet! Mandagen bar turen til fjells!Utsikt ned mot "Strynedalen"
Her er Stryn Sommarskisenter, framleis litt snø igjen nederst, og snøbrettkøyrarar i aksjon. Ei stolheis tek dei mykje høgare opp til ein snøbre bak toppen. Flott ver og høg temperatur, sikkert kjekt å vere brettkøyrar i dag, men så smeltar sola på snøen også då........

Den AZURBLÅ fargen som vi såg ved havet i går, finn vi også her oppe på Norges tak, men ikkje fullt så fristande å ta eit bad her.........Blått i blått , med kvite kontrastar,.....lekkert!

Dette innlegget vart nesten som ei turistreklame, men slik er Vestlandet akkurat no. Så den som ikkje har vore i distriktet her, vil kanskje tenke på å ta seg ein tur hit???
Velkommen til den som kjem!