BLÅBÆR!!
Berre at resultatet er blåsvart! Men for meg er dette skogens svarte gull som eg endelig har klart å plukke litt av. I dag har eg renska bæra i denne smarte bærrensaren, følte meg nesten som ein gullvaskar der eg sat og rista bort alt det eg ville bli kvitt!
I fjor skulle eg omsider i blåbærskogen, men det var nok i seinaste laget,..... ca 52 bær vart fangsten då. Men i går vart resultatet straks betre, omlag 5 kg plukka vi på ei lita stund. Jippi!
Sjå den vakre rosepynten som blåbæret har midt på! Nesten som eit av ornamenta i Jugend-stilen!
Det vart kokt sylte av 2 kg, resten av bæra er lagde i frysen.Men Juliann har i det siste hatt tradisjon å lage noko søndagssnadder til kaffien, i dag fall valet på plommer. No bugnar trea mine av store blåplommer, så då ville eg prøve meg på ein plommepai med smuldredeig.
Måtte prøve med litt eple også, har lagt dei på eine sida.OPPSKRIFT
Legg frukt blanda med 3/4 dl sukker og 2 ss potetmjøl i ei smurt form.
SMULDREDEIG til å ha over:
3 dl havregryn
1.5 dl sukker
1,5 dl mjøl
125 gr smelta margarin
Rør sammen det tørre og bland i smelta smør, deigen blir fast/smuldrete.
Strø over frukta og steik midt i omnen v/ 220 gr i 20- 25 min, eller til deigen blir fint gulbrun.
Server med kremfløyte og vaniljesaus.
Lykke til den som prøver!
Namm nam!
