Rabarbrapai

Denne gode , litt sursøte paien blir søndagens snadder til kaffien!

Mørdeig til kaka:
125 g margarin
100 gr sukker

Rør sukker og margarin kvitt
Tilsett 1 egg
3,5 dl mjøl
1 ts bakepulver

Evt. kan du lage alt i foodprosessor, det går heilt fint!

La deigen stå litt kaldt, evt natta over i kjøleskap.
3/4 av deigen trykkes ut i ei paiform
Ha oppi 1 pk Piano vaniljekrem
Kutt ca 3 stilkar rabarbra i små bitar og ha ut over, sukre dei godt!

Lag "gitter" av den siste 1/4 av deigen.

Steik v/200 gr i ca 35 min.
Pynt med melis oppå kaka, då smakar den ekstra godt!
Velbekomme!

Namnlaus klematis?

Eg har ein klematis som eg har kjøpt på salg for nokre år sidan, namnløs men vakker! (typisk for salg at då er namnelappen vekk!) Til og med knoppane er nydelige der dei står og strekkjer seg oppover.

Nydelig mønster i kronblada! Fargespel frå lilla til grønt.

Eg har prøvd å finne ut namn på denne ut ifrå bilder, og det næraste eg kjem er Multiblue, men liknar ikkje heilt synest eg. Så dersom nokon kan hjelpe meg med namn på denne hadde det vore fint!

På denne danske sida, Clematis Danmark , finn ein bilder av mange klematisar. Lundhede er ei anna side med mykje god info også.

OPPDATERING 4.7.08: Denne engelske linken fekk eg frå hageflinke Eling , Clematis on the web Ho seier dette ikkje er Multiblue, så då fortsetter leitinga etter namnet.

Bildet under har eg teke i dag, slik ser den ut når knoppen i midten er nesten heilt utsprungen. Ser ut som ein ball, er 10-12 cm i diameter!

Odessa lue

Sist helg begynte eg endelig på denne Odessa-lua. Har hatt mønster til den sidan i vinter, eit litt artig mønster og enkel fasong på lua. Den er litt kort, men desto meir kledelig. Eg har strikka den i Mandarin Classic, og det gjekk ca 1 nøste. Veldig kjekt mønster å strikke og enklare enn det ser ut til.

Men under oppstart av strikket las eg at eg måtte sette ein maskemarkør ved omgangsslutten.
Det fekk meg til å lage meg nokre maskemarkørar. Endelig det også! Hadde sånn innkjøpslyst tidleg i vår, kjøpte perler og utstyr, og så....... vart dei liggande i ei skuff.
Det var så kjekt å lage at sjølv om eg trengde berre 1 så laga eg 2, og neste dag laga eg 3 til.

Blomster og blad!
Har laga 1 med ring, 2 med wire, desse kan træast inn på strikkepinnen, og 2 med krok som kan hektast på der ein treng det. Eg lurer litt på å lage nokre fleire og legge ut for salg på Julianns Bu, vil nokon ha slike før der evt. kjem nokre i BUA, så kan de sende meg ein epost, adr står oppe til høgre.Og dette fine hjertet med krok hamna i dag på glidelåset på eit penalhus, praktisk!

Mikkel Rev was here!!!!

Hjelp! No er naturen begynt å bli vel nærgåande her hos meg! I går kveld sat eg fredelig i stova og såg på tv, og plutselig var det et brak på verandaen min. Juliann spratt selvfølgelig opp for å sjå,... og trudde ikkje sine egne auger. Ein vaskeekte rev stod på plenen rett innanfor verandaen min, men sprang då eg let opp verandadøra. (skal tru om den nye landbruksministeren vil bli kvitt rovdyr på verandaer også??)

Eg skulle selvfølgelig hatt kameraet i handa der og då for å bevise for resten av familen kva eg hadde sett! Reven var vips borte, men spora ved kattematen var tydelige, så dei får holde som bevis.

Dette vart så spennande at eg heiv meg i skoa for å sjå om vinduet til mi einaste gjenlevande høne var igjen,- det var det og høna lever! Men i det eg gjekk bak løa vår for å sjå om Mikkel sat på lur der, ja då såg eg 2 hjortar som gjekk og beita på ei nyspirt eng,.... makan til dyreliv denne lyse kvelden!

Sommargåve

Så dumpa det ned ein spennande pakke i postkassa mi også,.... endå det hverken er jul eller bursdag!

I april var det jubileumstrekning i ein velkjend blogg, EMMELINES, og gjett kven som var ein av vinnarane??? Eg,... som sjelden vinn , var ein av dei som vart trekt ut! Og no kom gevinsten,....ei LITA sommargåve skriv Emmeline på kortet! Lita? HMMM,.. syns den var ganske så omfattande med sine 4 nydelige deler! Tusen sommartakkar til deg Emmeline!

Og eg trur ho må ha kikka litt i bloggen min og funne ut at eg syr ein del! Ei fin nåleeske er slikt ein syer set pris på! Det ruta kjøkkenhandkledet er frå Bruka design.
...og at eg har ein lidenskap for nåleputer,...... :) Denne av designeren Cath Kidston var kjempefin!

Og eit "tavleskilt" til pynt og beskjedar.


Og skiltet er allereie tatt i bruk, sender ønsker om sol denne midtsommarhelga til Emmeline og alle andre som kikkar innom meg her.

Tuppeline

Mi kjære TUPPELINE

Mi kjære Tuppeline døde i går og er blitt begravd på garden vår. Ei gammal snill dame som har vore ein spesiell venn i mange år. Høner er ikkje dumme har eg erfart og høner likar famileliv.
Tuppeline vart sikkert minst 6 år, eg er komen ut av telling, men vi har hatt henne lenge. Vi hadde 2 slike Cocin-høner, men den eine døde for 3-4 år sidan. Cockin arten er ein ekstra stor sort , er tung og veldig lite flyvedyktig. Men ho har vore hagehøna mi i alle år, joggar vraltande bort til oss når vi et, grillar og når eg ropa på henne. Og ho har holdt seg i hagen ved huset og løa heile tida. Ein gong for ho inn til naboen, men det var fordi mannen min stod der og prata!

Ho kosa seg med godbitar frå handa mi. Tuppeline la store brune egg i sin ungdom, men no er det lenge sidan siste egg! Men eg har beholdt henne likevel, for eg tenkjer ofte på at dei som td. har hund,..... dei forar og passar på dei òg, men får heller ikkje egg!!
Eg må nok ha meg ei ny Tuppeline snart, for dette er ein utruleg rolig og godlynt rase.
Her er Tuppeline i lag med den einaste høna eg har att no, ei Islandshøne. Dei har nok fått prata litt ut sine nifse opplevingar den siste tida. For tidleg i mai hadde dei besøk av Mikkel Rev, han tok hanefar og ei brun høne ei natt vinduet stod ope, og ein kan berre tenkje seg marerittet til desse to hønene som overlevde.

Skal bestille meg verpehøner ut på seinsommaren, så då skal eg nok fråtse i egg igjen håpar eg.
Klukk klukk, høyrer gjerne trøsteord frå andre Hønemødre.

Under Grande stjerner i Ektorpen!

Rapport frå ein Ektorp! Herlig å ligge i, og behagelig farge! Ja slik er det i Ektorpen min akkurat no, har flata litt ut i den, behovet var stort for eg slit med ein treg halsbetennelse no. Går på pencillinkur, men foreløpig har den ikkje gjort jobben sin, så eg sper på med litt grøn Dent, det er alltid godt i ein sår hals.

Så no har eg lagt meg nedpå for ein kvil, eller skal eg kalle det ein liten nytelse??? For det er det, har drege over meg mitt gode Grand stjerneteppe som eg har kjøpt hos Annas Rom. Det er eit utruleg godt teppe, vevd tung velour, og vel verdt prisen, for dette er kvalitet! Sidene er speilvende i fargane, ei beige og ei offwhite.

Sofaen står ved sør-vinduet, her står ofte sola rett på og varmar, så i staden for blomster har eg her ein stor seglbåt som eg har kjøpt på ein ferietur i Sverige.


Og blir det for gale med sol inn, så slepper eg ned persienna. Den er òg god å ha når det blir for mykje lys inn på pcen min som sjølvsagt står rett ved Ektorpen!

Uten forpliktelsar!

Det er akkurat det det er! Uten ein einaste forpliktelse, berre gjere det ein sjølv vil og likar. Dette er livet til mange bloggarar håper eg.

Klikk på bildet eller HER for å få moralsk støtte!

Først var det fiasko, så........

......... gjekk alt så mykje betre. Men først etter 4 dagar!

Dette er episode 2 i møbelomtrekkinghistoria mi. Det handlar no om dei blå beina, som eg ikkje vil ha blå lenger, og ikkje vil måle i ein matt brunfarge. I malingsbokslageret mitt fann eg ein brun beis som såg ok ut. Problemet var at eg ikkje hadde prøvd å beise mala flater før......., og slett ikkje med vannbasert beis på oljemaling. Svaret var enkelt, for å finne ut kor dette virka så måtte eg berre prøve. 5 t tørketid stod det på boksen.

5 t gjekk, det var ikkje tørt, seint på kveld var det ikkje tørt, heller ikkje neste dag eller dagen etter. Vel då var fiaskoen eit faktum og eg tenkte at her var det berre å finne fram white sprit eller noko liknande for å få det av.

Men så har eg vore borte i helga, og då eg kom heim i går, så var det TØRT!!! No ser fargen litt brunlilla ut, så neste trekk er å få litt gyllen glød i den. Har tenkt å finne ut om eg kan bruke ein gulbrun lasur over,.....viss den tørkar då! Håper eg finn ein som er på oljebasis, for den tørkar vel på alt slags underlag. Sit nokon med tips, så tek eg gjerne imot.

Det kjem nok fleire episodar i denne puff-serien om ei stund!

For kr 66......

......kan ein handle mykje på LOPPEMARKED! Tenk eg har fått vore på mitt andre loppis på under 2 mnd, det har aldri skjedd meg før.


Og like glad over småvarpa mine vart eg denne gongen òg. Kikk nedover sida, så ser de kvifor.
eit nydelig lite drammeglas for kr 1!
Glasvase til sommarblomster til kr 10.
Tupperware osteklokke til kr 10 og ein ny Brunosthøvel til kr 5. Det same ga eg for kvar av korgene bak.
7 konjakkglas til kr 7,....... då kan eg nok kjøpe meg ein dyr konjakk til å ha oppi! (men kva smakar best? Kom med tips den som har smakt nokre sortar)
Ubrukt bestikksett , 18 deler til 18 kr!
2 former til 2 kr, den lange skal eg ha til å lage adventstake oppi når den tid kjem!
Dette er Høyang aluminium, med lok, eg lurer fælt på kva denne er meint til... ca 20 x20 cm.
Ein liten "flink gutt"-kopp kjøpte eg òg,.... til mannen min, men den vart ikkje med på denne bildeserien.