My treasure!

Photo: From a "Street quilt exhibition" in our village.

This big quilt is made by me and quilters in USA. It is a Round Robin project, and members of our quiltclub and quilters in USA took part in the project, a project with the name "Women stiching the world together".
I have finished and quilted it by hand. After finishing the quilt was sent back to USA, for a big quilt exhibition in Houston, Texas.
Later the quilt was picked to be in a quiltbook, and I sent it back to USA for photography. Now the quilt is only mine and I love to see the lovely work made by the quilters in USA. They are really clever!!


Dette store teppet til høgre i bildet er min skatt, laga av meg og mange quiltedamer i USA.

Teppet er eit Round Robin prosjekt mellom ma. medlemmer frå klubben vår og quiltere i USA. Prosjektet var med i "Women stiching the world together", og då teppet var ferdig montert og quilta av meg vart det sendt til ei stor utstilling i Houston, Texas.
Seinare vart dette teppet også plukka ut til å vere med i ei bok, og det vart sendt tilbake til USA for fotografering.
No er teppet mitt private eige og eg nyt det flotte arbeidet som vart gjort av damene i USA, dei er berre utruleg flinke og nøyaktige i jobben sin!

Med dette teppet er eg med i Bloggers Quilt festival 2009 som starta i dag.

Quilt festival!

Den første Online quilt-festivalen er i gang! Så lurt! Då treng vi ikkje reise av garde, men kose oss heime med mange flotte quiltebilder på pcen! Det einaste vi vil sakne er vel festivallyden og muligheten til å shoppe over evne! Men det er penger å spare då....... til neste anledning byr seg!

Denne festivalen er arrangert av Amy i USA, med bloggen Park City girl
og den som vil kan delta! Gå inn på bloggen og finn ut korleis du melder deg på.

Påskefrukostfinale

Då har Juliann dekka på til årets siste påskefrukost! Med mitt påskeservise som eg likar så godt. Kjøpte desse på postordre ein gong, det var kanskje Firkløveren eller likn. Då eg fann ut at eg ville ha nokre ekstra kuvertar, så var det slutt på denne sorten!! Så om det er noko ute i bloggeverda som vil bli kvitt sine, så er eg ein interessert kjøpar! Ta kontakt då!!

Desse tidlege frukostane mine har eg hatt heilt åleine, har ikkje ein gong vekt min mann! Han har jobba nokre dagar i påska så då syns eg han fortener å sove lenge når han har fri. Men så kan eg også nyte stillheten i huset. Mine to yngste gutar som er i dataspelestereodunkdunk-alderen ligg i dvale, det er heilt stille. Fuglane syng fin morgensang ute og eg har sett på NRK klassisk!! Faktisk utruleg flott og stemningsfullt å høyre på enkelte av innslaga, litt renessansemusikk, av og til eit "klosterkor", ja då merkar eg at det er høgtid!

No sit eg og ventar på at skoddeskyene på himmelen skal sprekke skikkeleg opp så det kan gjerast klart for dagens fjelletappe! Det er meldt SOL i dag! Det betyr fjellver!! Og det ser ut til at det skal det bli!

God siste påskedagen til alle som er innom, og eg sender ei lita helsing langt nordover landet til Odd H som kanskje "beveger" seg på ski i dag???

Amerikansk påskekake

Ei ny kake i dag igjen, jammen bra vi får trimma litt innimellom. I dag er det min amerikanske svigerson som har laga kake, litt i amerikansk stil med mykje glasur og pynt. Men kaka var aldeles nydelig.
Botnen er Toro sjokoladekake, men fyllet inni er typisk amerikansk. Mills Peanøttsmør blanda med smelta smør og melis. Det var veldig godt i sjokladekake!! Eit tjukt lag med glasur på toppen, perfect fudge sa han, og sirlig pynta med små kakepyntstjerner! Kaka var mektig så den overlever nok dagen her i huset! ( For vanlegvis er sjokoladekakene hos oss som trylla bort over natta, kun spor med smular på golvet viser vei til dei skuldige........ :) )

Mårbacka

Min første pelargonia er begynt å blomstre, ein liten og tynn Mårbacka, men du verden så vakker den står. Sart og lys i fargane, berre heilt nydelig å studere!

Mine Tagetes er også godt i vekst, nokre har allereie danna ein liten knopp!! Dette er enkle plantar å få til, spirer fort og er lette å prikle om, anbefales!

Mias påskekake

I dag har eg kosa meg med årets påskekake til kaffien. Denne oppskrifta fann eg på ein blogg då eg var fersk blogger for to år sidan, og har laga den sidan den gong. Bloggen har eg også besøkt mange gongar etterpå, denne dama har gleda mange med sine fine og inspirerande innlegg. Og dama er sjølvsagt Mias Landliv! Ta eit besøk i bloggen hennar!

Oppskrifta la ho ut på bloggen sin 3.4 2007, du finn den her, men eg har også kopiert den inn på denne sida.

APPELSINKAKE:
3 egg
3 dl sukker
200 g smør eller margarin
4 dl hvetemel
2 ts bakepulver
2 ts revet appelsinskall
1 dl appelsinsaft

Smelt smøret og avkjøl det. Pisk tykk eggedosis av egg og sukker. Sikt sammen bakepulver og hvetemel, og rør det sammen med smør, appelsinskall og sppelsinsaft i eggedosisen. Hell deigen i en godt smurt kakeform (ca. 1 1/2 l). Stek kaken litt nede i ovnen ved ca. 200 grader i ca. 30 minutter. Hvelv den ferdigstekte kaken forsiktig ut av formen og avkjøl den deretter på rist. Ved servering drysses melis og litt revet appelsinskall over kaken.


Dette bildet er frå Mias blogg.

Tusen takk til Mia for denne gode oppskrifta, ønsker henne God Påske også!

Glade påskeservietter

Eit lite utval av mine serviettar, dette var det eg hadde med påskemotiv. Og det er vel akkurat no dei må brukast,....om ein ikkje er samlar då! Høna og egget......

Påskehøneparade!

Då er påskeferien eit faktum! Har vore på jobb 2,5 dagar denne veka, så i dag kl 12 kunne eg løfte blikket mot sol og ein himmel som vart meir og meir blå! Vermeldinga hadde eg ikkje følgt med på i dag, så då eg kom heim var eg snar å planlegge min første påsketur til fjells!

Turen gjekk opp hit, Storevarden, med flott utsikt mot sør i vakre og ville Nordfjord. Dette bildet er ikkje teke i dag, så i dag kunne eg gå siste stykket opp til varden på berre lyngrabbar. Men lenger nede på flatene måtte eg bruke mine gode truger, for snøen var "råten", våt og grovkorna. Ekte "rød klister-snø"!!

Men i Juliann-heimen er det vårlig, med høner både ute og inne. Mine levande legg egg i lange baner, og sit ofte ute i luftegarden og nyt vårveret. I stova er bordet pynta med både mjuke og harde kyllingar, fine på kvar sitt vis synest eg.

Og på kjøkkenet har dette nye handkledet fått plass. Eg vann dette, i konkurranse på bloggen til Bohusstickan , syns det var kjempefint! (Vann også garn og eggfarge). Tusen takk og God Påske til deg på Bohuslänkysten! Ønsker alle som er innom bloggen min ei

GOD PÅSKE!

Sesongstart!

I går var det sesongstart for årets campingliv! Vi har campingvogn i Skjåk, der har den fast plass, og eg brukar å seie at dit reiser eg når eg vil være KLIMAFLYKTNING! For ofte regnar og regnar det her på Vestlandet, og vi vert skikkelig underernærte på sol og varme. Då er det godt å ha sitt eige krypinn å flykte til!

I Nordfjord var det regn og vind i går, men austanfor fjella???? Delvis skya, mykje sol, 11 gr men litt kald vind av og til. Likevel var det ikkje verre enn at eg kunne dra ut sommarstolane og setje meg og nyte sola, roen og eit strikketøy! Herlig!

...og over campingvogna skein sola ned gjennom takluka!

Nytrakta kaffi høyrer med, men før vi kom så langt var det testing av batteri og alt elektrisk utstyr. Og alt var i skjønnaste orden,....det var godt, for ein veit aldri etter ein lang og kald vinter.

Og om det vart for kald vind, så var det koselig å sitje inne og sjå ut!