Juleverkstad og julegåvetips

I går rigga eg meg til med eit lite juleverksted i full fart. Nokre julegåver skulle ut av huset denne dagen, og då var det berre å få sving på sakene. Men du verden så kjekt det er å kose seg slik. Eg tende adventslysa på bordet og sette meg med litt puslerier.

Har sett gode tips i mange bloggar om å dekorere fyrstikkøskjer, så no var det min tur til å lage og å vise. Eg kjøpte store øskjer med lange fyrstikker, og desse fekk pynt av fint julepapir. For å få papirbitane fine, så brukar eg papirkuttar, ein heilt uunnværlig redskap! Så dei som ikkje har ein slik, bør kanskje ta å ønske seg ein til jul??? (Papirkuttaren ser de så vidt oppe i venstre hjørnet på det øverste bildet)

.....og så vart det klart for innpakking av ei lita koselig julehelsing til nokre slektningar!

Ei enkel men kjekk gåve å få, håpar eg; kubbelys og fyrstikker til å tenne det med, marsipanpølser til å kose seg med, og til slutt tørke munn og fingrar med juleservietter!