Hylleblomstsaft

No har eg prøvd meg på saft av HYLL igjen, del 2. I haust laga eg saft av dei blåsvarte bæra, denne safta har eg aldri smakt eller laga før. Slik er det med denne safta som eg har laga no også. Har lest i ein del svenske bloggar at safta av blomsten er mykje betre og at den smakar av sommar! Svenskane kallar forresten Hyll for Fläder, safta for Fläderblomstsaft,... det gjekk ei stund før eg skjøna at dette var det same som Hyll!

Eg har fleire slike tre her eg bur, eitt et digert (ca 6 m høgt ), og nokre som er mindre.

Blomsterklasane er ca 15 cm i diam., fine når dei er i blomst. Men når dei blomstrar av, så losnar dei frå stilken, og er det litt vind, så "snør" det blomster i hagen min av og til.
Stilkane har ei stram lukt, og sikkert like stram smak, så dei klipper eg av.
OPPSKRIFT

35 blomsterklasar, klipp av stilken

Legg dei i ei stor panne/eller kar med lokk

Kok opp 3 l vatn og 2 kg sukker til lake,

dette slår du over blomstane.

2 pk sitronsyre, løys opp i litt av laken og bland i.

3 sitronar, skjær dei i tynne skiver, ha oppi og bland alt.

Settes kaldt i 3-5 dagar (eg let det stå 5 dg)

Rør i det av og til.

Etter 5 dg. silte eg safta, og den var klar til smaking!Jovisst smaka den sommar! Litt sitronsmak, litt bitter smak, litt grapeliknande smak.

Safta må frysast for å holde seg. Eg fraus den ned i små glas, skal ta opp litt etter litt til vinteren for den skal vere god mot forkjølelse!
....og slik vart resultatet!
Håper at eg har inspirert fleire til å prøve no, sjølv om blomstringa kanskje er på hell.

Lykke til!