DAYBED for sunny days!

Dette er gladhistoria om senga som kom ut av dvalen.

For mange år sidan vart denne brukt som vanleg soveromsseng. Opprinnelig er den ei grøn militærseng, men då den kom til gards for eit ukjent antal år sidan, vart den målt gul. Akkkurat då var gult kult, (men ikkje no!!) Etter mange års oppbevaring i løa, så ville Juliannmannen rydde bort skrot og begynte å fylle opp i ein biltilhengar. Til mi store forskrekking såg eg tilfeldig at den gule senga stakk ut, og gjett kven som måtte dra den ut av hengaren igjen??? Humøret til mannen som hadde lasta hengaren flott, var BÅNN!
Senga kom velberga ut og eg forkynte mine planer. Hmmm, Juliannmannen er van med litt påfunn så han sukka, men var også litt spent. Ei runde med høgtrykksvaskaren først, deretter minst 4 omgangar med kvit spraylakk. Då forandra den gule nedstøva senga seg til noko lekkert!
Den fekk madrass og puter og vart sett i solveggen på verandaen min. Herlig å ligge i og rikelig med plass til mine blad og puslerier om det trengs.

Utsikt frå Sommar-daybeden!
Må nok finne fram litt fleire puter til å ha oppi. Men kan no ikkje ta kva som helst oppi her, ein sommarlig og lett stil må beholdast!
Snipp, snapp , snute, og så står senga ute!!!
(...og Juliannmannen er kjempefornøgd, vil gjerne ligge der og slappe av!!)