Laurdagsjobbing

Det nærmar seg fort den store dagen,-julafta- og heldigvis er julegåvene no snart i boks, eller rettare sagt papir og pose. Nokre er ferdig pakka inn, nokre er ferdige i dag og nokre held på å bli ferdige.......No er kattebrikka ferdig og klar til å pakkast inn.

Litt stichery kom plutselig til på julegåvelista mi, så desse to søte små mus har eg sydd i dag. Monteringa får vente til i morgon. Mønsteret står i siste nr. av Norsk Quilteblad og er designa av Hanne Schneider. Lappetausa har laga ei fin utgåve av denne, det var i hennar blogg eg såg motivet først.

Jammen kjekt at julafta er på ein mandag i år, blir liksom litt ekstra tid i forkant no når vi har helga til å bli ferdige på.

I dag har eg også laga merkelappar med Tilda-stempelet mitt. Vart ganske så fornøgd med dei, fort å lage til og motivet passa godt på ein merkelapp.