Strikkedilla......

Det ser ut til at eg har fått strikkedilla akkurat no. Behov for ei ny lue dukka plutselig opp, tråden låg klar og designet dukka også opp. På tv! Ei dame vart intervjua for eit par veker sidan, og eg tykte ho hadde ei fin og enkel lue på seg. Dermed vart ideen fødd, og brunt bomullsgarn, Cotton Lux, som eg hadde til overs frå ein gensar, kom vel med no. Jammen kjekt å ha eit lite garnlager å ta av, for ein veit aldri kva for idear som dukkar opp!