Det siste og det første lyset

I går ettermiddag fanga eg inn på kameraet mitt det aller siste lyset av 2009. Litt vemodig på eit vis, men når eg no sit og ventar på lyset for 2010, så ser eg berre framover. Mot alt det gode lyset som skal komme, meir og meir etter kvart som dagane går mot sommar og varme! Reint bibelsk dette, men det følgjer håp med alt lyset som ventar oss i 2010.

Vil med dette seie velkommen til 2010 til alle som er innom!

Eg har no vore oppe sidan kl 6 som vanlig, herlige stille morgonar i huset mitt då. Har fått i meg ein god frukost med egg, sild og laks, .......mmmmmm og deretter laga ei gjærdeig til grove sunne rundstykker!!

Denne kvite stjerna heng i kjøkkenglaset mitt, ca 40 cm i diameter. Likar mønsteret på den veldig godt, eg kjøpte den på Living før jul i fjor.

Men denne raude stjerna som heng i stovevinduet mitt mot aust, likar eg spesielt godt. Det er "håpets stjerne" for meg, i fjor hang den på ein heilt annan plass og lyste varmt. Denne vart kjøpt på Åhlens og den er ca 50 cm i diameter.

Get excited!

Eit lite motto for meg står no framme i ramme. Har vel ikkje hatt problem med å ha nye idear stadig vekk, men litt verre er det å få gjort alt eg har lyst til. Julianns tid skal rekke til så mangt!

Dette bildet fann eg på Internett, søkte på Google og så dukka dette opp , her er adressa :http://www.johnlacey.com/inspiration/get-excited-and-make-things/. Gjekk ok å skrive det ut i A5 størrelse.

Du finn dette lill røde Keep calm and carry on her:

http://www.blueribbongeneralstore.net/1284-p-Wall_Art.html

God midtsommarhelg til alle frå

Påskefrukostfinale

Då har Juliann dekka på til årets siste påskefrukost! Med mitt påskeservise som eg likar så godt. Kjøpte desse på postordre ein gong, det var kanskje Firkløveren eller likn. Då eg fann ut at eg ville ha nokre ekstra kuvertar, så var det slutt på denne sorten!! Så om det er noko ute i bloggeverda som vil bli kvitt sine, så er eg ein interessert kjøpar! Ta kontakt då!!

Desse tidlege frukostane mine har eg hatt heilt åleine, har ikkje ein gong vekt min mann! Han har jobba nokre dagar i påska så då syns eg han fortener å sove lenge når han har fri. Men så kan eg også nyte stillheten i huset. Mine to yngste gutar som er i dataspelestereodunkdunk-alderen ligg i dvale, det er heilt stille. Fuglane syng fin morgensang ute og eg har sett på NRK klassisk!! Faktisk utruleg flott og stemningsfullt å høyre på enkelte av innslaga, litt renessansemusikk, av og til eit "klosterkor", ja då merkar eg at det er høgtid!

No sit eg og ventar på at skoddeskyene på himmelen skal sprekke skikkeleg opp så det kan gjerast klart for dagens fjelletappe! Det er meldt SOL i dag! Det betyr fjellver!! Og det ser ut til at det skal det bli!

God siste påskedagen til alle som er innom, og eg sender ei lita helsing langt nordover landet til Odd H som kanskje "beveger" seg på ski i dag???

Påskehøneparade!

Då er påskeferien eit faktum! Har vore på jobb 2,5 dagar denne veka, så i dag kl 12 kunne eg løfte blikket mot sol og ein himmel som vart meir og meir blå! Vermeldinga hadde eg ikkje følgt med på i dag, så då eg kom heim var eg snar å planlegge min første påsketur til fjells!

Turen gjekk opp hit, Storevarden, med flott utsikt mot sør i vakre og ville Nordfjord. Dette bildet er ikkje teke i dag, så i dag kunne eg gå siste stykket opp til varden på berre lyngrabbar. Men lenger nede på flatene måtte eg bruke mine gode truger, for snøen var "råten", våt og grovkorna. Ekte "rød klister-snø"!!

Men i Juliann-heimen er det vårlig, med høner både ute og inne. Mine levande legg egg i lange baner, og sit ofte ute i luftegarden og nyt vårveret. I stova er bordet pynta med både mjuke og harde kyllingar, fine på kvar sitt vis synest eg.

Og på kjøkkenet har dette nye handkledet fått plass. Eg vann dette, i konkurranse på bloggen til Bohusstickan , syns det var kjempefint! (Vann også garn og eggfarge). Tusen takk og God Påske til deg på Bohuslänkysten! Ønsker alle som er innom bloggen min ei

GOD PÅSKE!

Morgenlykke

Lykken må være å stå opp til ein fantastisk vintermorgen, med klar himmel og sola som ligg og ventar bak fjella i aust.

.....og fargar det tynne skylaget i vest svakt rosa.

Og mens eg ventar på sola, så tenner eg eit "ventelys" no medan eg sit i bloggekroken og kosar meg.

JOY!

Ja no er det virkelig JOY hos Juliann, for dette er noko eg likar godt! Ein haug med skruar, pluggar og spiker,...kva kan no dette bli tru? Eg trur nok det finst ein del bloggarar rundt om som kjenner seg att her, mange har nok skrua og hamra i veg på mange av sine møblar,... og fått lønn for strevet.

Har lenge gått og venta på å få i hus desse delane, og endelig er dei her. Ikkje enkelt å sjå kva det er kanskje, men om de leitar på bilda så dukkar det nok opp eit lite hint...

Skal nok vise kva dette blir til, har skrua i hop det meste i dag, men litt står att å gjere. og så langt har alt gått som smurt, alle deler passar flott og eg har rikelig med skruar så langt. Og eg har vore kjempeflink syns eg, har lest meg gjennom monterings-KOMPENDIET og følgt den til punkt og prikke frå nr 1 til 42!!!

Må fortelje litt om før pakken kom i hus, ...då pakken låg på lageret på IKEA i Bergen. 2 pakkar var det forresten, og BLYTUNGT!!! 77 kg stod det på nettsida, men på hyllekanten stod det 82 kg! Vel, eg gjorde eit forsøk på å dra den største over på trillevogna, men fann fort ut at eg kunne vel be om litt hjelp (var der åleine og handla denne gongen). Karen på lageret var både blid og hjelpsom, og flytta dei galant for meg. Då kom eg på at eg skulle spørje om det var mulig å få hjelp til å få dei inn i bilen seinare, og han sa at det fiksar dei,... det var berre å gje beskjed i kassa.

Service har dei jammen lært på Ikea i Bergen, for då eg spurde om hjelp i kassa, var dama der like imøtekommande, og ringde etter hjelp. Og vips så stod det ein blid ung mann der, klar til å hjelpe meg. Så snar var han at eg måtte be han vente litt, for eg hadde ikkje fått tid til å pakke inn tallerkenar som eg hadde kjøpt. Og etterpå,.... :),.....karen var min gode hjelper og trilla vogna over halve parkeringsplassen og hjelpte meg å få dei på plass i bilen.

Har ikkje anna enn ros å gi til desse flinke folka som eg møtte denne dagen, dei gir IKEA positiv PR!!

Kaffipause!

Hallo damer der ute (og herrer kanskje også), det er vel på tide med ein liten fortent kaffipause?! No har eg diska opp med Mariekjeks, minst 50 stk og har leita fram min grøne Greengate-kopp. I den er det nytrekt kaffi, Løfbergs Lila kjøpt i Sverige i sommar,.... det duftar godt!

Så både dei med og utan Greengatekoppar, slå i kaffi og ta dåkke eit visuelt velsmakande Mariekjeks frå krukka mi og nyt alle dei fine bloggane som vert laga!! Velbekomme!

Krukka er nyinnkjøpt hos Primula Design, merket er Lisbeth Dahl. Det passar akkurat med ein pakke Mariekjeks oppi, men her blir nok litt av kvart med tida, ...snop eller småkaker???

Forsyn dåkke!

Kveldskos

Fredagskveldar er lik kosekveldar, for då er helga begynt. Då er det ekstra koselig å setje seg i godstolen, tenne litt lys og kanskje ha litt tid til tv-titting?
I går kveld såg eg på Beat for Beat på NRK, og denne gongen var det fantastiske norske og svenske artistar som deltok. Ei stemmeprakt på dei som var heilt utruleg, og dei valde songar frå musicals, duett à la Celine Dion og Andrea Bocelli og norske og svenske viser. Då var det herlig å nyte freden i godstolen foran tende lys på bordet mitt!!!!
"Hjerter på tråd" er ein av mine favorittblomster, denne har eg på bordet mitt.

...og dette er min yndlingsduk, lett vaskbar, ferdig skrukkete og treng ikkje stryking, og står aldeles i stil til mitt ekte slitne salongbord!!

Stjerner ventar på sol!

Å som mine stjerneputer og eg har venta på sol og varme igjen!

Stabla bort i ein krok på soverommet er ikkje noko særlig for slike fine puter. Veret siste dagane har vore skiftande, men med ein altfor kjølig trekk i lufta, OG DET VIL VI IKKJE HA ENDÅ!!! Men i dag er himmelen heilt blå, no litt før kl 9 heng lange skoddedottar langs fjella og er på veg ut mot havet. Og gradestokken har klatra over 10-talet, håper den passerer 20 i dag!!! Viser også mine 2 nyaste puter som eg kjøpte på ferien i Sverige. Dei er i mørkgrå kraftig vevd velour og virkar å ha omtrent samme kvalitet som dei dyrare Grand-putene som eg har. Likar veldig godt denne fargen.Putene kjøpte eg på berømte/berykta Gekås i Ullared (he, he alt etter erfaringar og kjønn!!!Menn likar seg ikkje der;))
Og dei var rett så billige, under 100 svenske kr for kvar pute med pute inni! Klart eg måtte ha med desse 2 då. Og fargen er også ganske brukbar!

Vil du kanskje ha to for samme pris?

Det sa dama bak disken på Bohus då eg skulle betale. Eg stod som eit spørsmålstegn, for eg skjøna ikkje kva ho meinte med det same.

Eg som var i lykkerus over å ha funne meg eit flott brettbord til overkommelig pris, kr 299 for eit slikt bord syns eg var ganske rimelig.

Problemet mitt i starten var kva farge eg skulle velge, kvitt eller brunt??? Valet fall på kvitt bord til slutt, så eg var veldig fornøgd då eg stod ved disken og skulle betale.

Det er vel slik at når ein får fokus på noko ein likar i ein butikk, så kjem skylappane fram, ein ser berre det ein vil kjøpe! At der hang fullt, ja meir enn fullt av gule A4 lappar ved desse møblane om KJØP 2 for pris til 1, det hadde eg ikkje registrert!

Så då dama bak disken sa at eg kunne få to for samme pris, " men det er heilt ok om du vil kjøpe berre eitt bord også", så var eg ikkje sein om å slå til, sjølvsagt ville eg ha 2! Og då fekk eg eitt bord i kvar farge også! Snakk om flaks, røvarkjøp og kjekk dame!!

Så om alle Bohus-butikkane har dette tilbudet veit eg ikkje, men i tilfelle,... LØP OG KJØP!!!
Ein stykkpris på kr 149,50 må ein vel kalle kupp????