Nye vintersko :)

Ja dette er mine nye vintersko, meint for ein skikkelig snørik vinter. Ikkje akkurat spasersko då, men ganske så nyttige til å spasere oppå snøen med. For dei som ikkje har sett kva dette er endå, så er dette altså moderne truger. I lettmetall og plast, hurtiglås, skarpe piggar under og med bevegelig såle. Akkurat som nokre megastore flipp-flopp-sko!

Eg fekk desse i julegåve av mann og barn, dei skjøna vel at mor måtte vere skikkelig utstyrt når ho daglig travar til fjells i all slags ver. Har prøvd dei berre ein gong, og det var ikkje så vanskelig å gå med. Flotte spor vart det også, såg nesten ut som Dolly Duck hadde vore på ferde!!

Men i dag burde eg heller hatt vannski, det høljer ned her, og snøen forsvinn nesten så ein ser det!