Påskeferie!!

Takk for mange besøk i bloggen min! Men ikkje så mykje nytt å sjå dessverre, har vore mest ute i hagen og jobba.Vi har hatt ei veke med kjempever, sol frå klar himmel, duft av solkrem og lyse dagar som blir lenger og lenger. Bildet viser himmelen i dag kl. 18.05.

Berre snev av lette skyer i dag, vi nyt det så lenge det varer. Og når det blir skya og regn; - då blir det kanskje meir sy- eller heklearbeid.

BURSDAG i familien! Min lillebror som ikkje er liten lenger, fyller fremdeles 29 år i dag, så til slike dagar brukar eg å fore han med nyttige ting, iallfall ting som han ikkje klarer å lage sjølv. Så no skal han få kuvertbrikke nr. 2 i same serie, til jul fekk han ei i same teknikk, no kan han ta imot gjest og dekke på!

Mønsteret har eg henta frå boka "Lappesprell" av Hanne Asplin Firman. Eg brukte ikkje teknikken som står i boka, det var altfor tungvint, så eg kopierte mønsteret og sydde på papir.